Dena prest larunbaterako. Izan ere, Arabako Bertsolari Txapelketako Finala jokatuko dute larunbatean, 17:30ean, Gasteizko Printzipal antzokian. Faborito garbirik gabe eta parekatuta ikusten dute bertsolariek finala. Beraz, txapelari heltzeko gogoz jardungo dira Manex Agirre, Oihane Perea, Serapio Lopez, Iñaki Viñaspre, Xabi Igoa eta Asier Otamendi.
"Finala oso irekita dagoela iruditzen zait", azaldu du Manex Agirre bertsolariak. Azken txapelketako, 2015ko txapelduna da Agirre. "Seikoteko bakoitzak inoiz baino aukera handiagoa du txapela irabazteko".